Agtultuloy a mabanbantayan iti Tropical Depression Ramil nga agdama nga adda iti kaadayo a 1,145 kilometro Daya ti Southeastern Luzon.
Segun ti kauddian a report, kabuyog na iti kapigsa ti angin a dumanon ti 45 km/h asideg ti sento ken kapegges nga agingina 55 km/h.
Nabuntog iti garaw daytoy bayat nga agturong iti Laud Amianan-a-Laud a direksion.
Signal No. 1:
-Daya a paset ti Quezon (Tagkawayan)
-Camarines Norte
-Catanduanes
-Camarines Sur
-Albay
-Amianan ken daya a paset ti Sorsogon (Donsol, Pilar, Castilla, Siyudad tu Sorsogon, Gubat, Prieto Diaz, Casiguran, Barcelona, Bulusan)
-Daya a paset ti Northern Samar (Laoang, Catubig, Palapag, Mapanas, Gamay, Lapinig, Pambujan, San Roque)
Manamnama nga aggunay ti bagyo agpa-laud agingana inton bigat, sakbay nga agbaliw iti direksion na ken turungen iti laud amianan-a-laud ti Central-Southern Luzon.
Posible a dumalan daytoy asideg ti Cataduanes iti bigat wenno malem ti Oktubre 18, ken aglandfall idiay Aurora wenno idiay Quezon inton Oktubre 19. Adda ti posibilidad nga agbaliw iti landfall area no agbaliw ti direksion na ken tumbuken iti abagatan a direksion – a mangigubuay ti nalawlawa a panakaipasidong dagiti lugar iti pangta ti bagyo.
Kalpasan ti landfall, manamnama a lumasat daytoy kadagiti kabanbantayan a paset ti Northern wenno Central Luzon, ken rumuar ti Philippine Area of Responsibility (PAR) iti malem wenno rabii ti Oktubre 19, aldaw ti Dominggo.
Bayat ti kaaddana iti kabaybayan ti Pilipinas, manamnama a pumigsa pay ni Ramil ken mabalin a dumanon iti kategoria a tropical storm iti parbangon ti Oktubre 18.
Saan met a matagtagiawan iti posibilidad nga agbalin daytoy kas maysa a severe tropical storm sakbay nga aglandfall.
(New update will be posted at 8 AM)
