Nakaragsakan ti maysa a mannalon iti panagipasngay ti pangganakanna a baka iti singin nga urbon idi Pebrero 1, 2022 idiay Purok 9 ti Barangay Sevilla, Syudad ti san Fernando, La Union.
Iti pannakiuman ti Bombo Radyo ti makintaraken iti nasao a baka a ni Mang Roland Cortez, kinunana nga alas-5 ti malem iti nadakamat nga aldaw a naipasngay dagiti dua nga urbon.
Impagarupna idi a maysa laeng nga urbon ti iyeddek ti pangganakan a tarakenna ngem kalpasan iti sumagmamano a kanito ket adda manen iti maysa nga urbon ti naiyan-anak.
Ibilang ni Roland a swerte daytoy kenkuana gapu ta iti naminpito a panaganak ti tarakenna a baka ket pito met laeng koma iti urbon daytoy ngem nagbalinnen a walo gapu kadagiti singin.
Ti nasao a pangganakan a baka ket nagsikog babaen ti sumpit wenno artificial insimination.
Saan met a parikot ni Mang Roland iti panagpagatas para kadagiti urbon gapu ta saanna met baybay-an iti suplay ti taraon ti ina dagitoy.
