LA UNION – Naipunponen itattay aldaw ti bangkay ni Vice-mayor Al-fred Concepcion idiay ili ti Balaoan, La Union.
Mas lalo nga immadu iti tattao a nakipaset iti funeral march a nagturong idiay sementeryo no ikompara kadagiti timmabuno iti walk for justice idi kalman nga immabot iti nasurok 3,000 a tattao.
Kaadduan a nakipamumpon ket nagkawes iti nangisit a t-shirts en agkidkiddawda iti hustisya para iti pannakatay ti bise-alkalde.
Kabayatanna, mapadpadaan ita ti nasao nga ili no sino iti agbalin a running mate ni Mayor Aleli Concepcion kalpasan a maipunpon ti amana a ni Vice-mayor Al-fred a sumabak koma iti vice-mayoralty race inton 2019 mid-term election.
