Pinasingkedan ti National Bureau of Investigation (NBI) nga iti balay a rinaut ti PNP-CIDG idiay Angeles, Pampanga, a mapapati a paglemlemmengan ni Senador “Ronald” Bato dela Rosa ket kukua ti kabagian ni Senador Robin Padilla.
Segun kenni NBI Director Melvin Matibag, naammuan a kukua ti kabagian ti senador iti balay gapu kadagiti nairehistro a lugan sadiay.
Ngem saan a nakita ni Sen. Dela Rosa kadagiti lugar a sinukimat dagiti otoridad.
Agsagsagana ti NBI nga awisen dagiti sumagmamano a personalidad a naudi a kadua ken nakasarita ni Sen. Dela Rosa para iti imbestigasion.###
