LA UNION – Im-imbestigaran pay laeng ti Bureau of Fire Protection (BFP) idiay ili ti Bauang, La Union ti makagapu iti pannakauram ti dua-kadsaaran a balay itay agsapa.
Iti pannakiuman iti maysa kadagiti makinkukua iti balay idiay Barangay Pugo a ni Cesar Jack Estillore III, inaklonna a nag-charge laeng daytoy iti flashlight ken rimuar iti pagtaengan, ngem kalpasan laeng ti sumagmamano a minuto ket nakangngegda iti putok iti uneg ti balay.
Saanda pay a naan-anay a nakastrek ket napaspas a nagwaras ti apoy gapu ta naaramid iti light materials ti nasao a pagtaengan.
Segun pay ken ni Estillore, awan ti naisalakanna kadagiti alikamenna.
Karaman kadagiti napuoran ket dagiti appliances ken gadgets ti pamilia ken dagiti boarders.
