LA UNION – Mangisay-sayangkat ti nairut nga imbestigasyon ti Tubao Police Station maipapan iti maipagarop a panagtakawan iti pagtaengan ti maysa a police official idiay Barangay Magsaysay, Tubao, La Union idi agsapat kalman.
Base iti report, awan ti pulis, (a saan metten a nainaganan) idi mapasamak ti insidente agsipudta nakadestino daytoy iti sabali a lugar.
Base iti palawag kadagiti otoridad ti kaanakan ti biktima a ni Reynaldo Valenuela, 55, adda iti caretaker ti nasao a balay a kabsat mismo ti biktima, binigbig na iti nagan a Noranjo Montemayor, 44-anyos ngem awan met daytoy idi napasamak ti insidente agsipudta napan idiay San Juan kadwa na iti sumagmamano a gagayyem ken cabagyan na.
Base iti report, maysa nga IPhone 6 smartphone,mapatta-patta nga agbalor ti P40-k ken alahas, nga agbalor ti aganay P50-k iti intaray ti saan pay a nabigbig a suspek.
Iti initial report ti Tubao Police, simrek ti suspek iti front gate ken main door a mapapati a saan a naka-lock idi mapasamak ti panagtakawan.
