LA UNION – Napinget pay laeng ti panagensayo dagiti ballet dancers manipud Baguio city a karaman kadagiti ag-perform iti pre-pageant activity ti Miss Universe 2017 candidates inton Enero 18.
Iti pannakiuman ti Bombo Radyo ken ni Jacqueline Go ng Danse de Ballet Baguio, idi kalman ket nakapaangda dagiti organizers kagiddan ti panagsaganada iti maitampok a performance.
Segun kenkuana, 21 a dancers ti Ballet Baguio ti karaman iti street-dancing parade a mangrugi iti rotunda ti SM mall agingga idiay Baguio Country Club.
Agsuotda met iti costumes nga addaan iti disensyo a sunflower a tanda ti umadanin a Panagbenga festival ti City of Pines.
