LA UNION – Blangko pay laeng dagiti otoridad no sadino a naglemmeng ti nakalibas a balud ti La Union Provincial Jail nga addaan iti kaso a robbery.
Nabigbig daytoy a ni Jose Galvan alyas Noli, 27, addaan asawa, residente ti Brgy. Apayao idiay ili ti San Gabriel.
Maibasar iti inisial a report, nagpakada ni Galvan iti nakaduty a guardia a gumatang iti danum ngem kalpasan laeng ti maysa nga oras ket saandan daytoy a masarakan.
Dagus met nga inalerto dagiti otoridad dagiti kabangibang nga ili para iti pannakatiliw manen ti balud.
