LA UNION – Pinadayawan ti La Union Provincial Government ti Bangar ken Sudipen Police gapu ti panangripuogda kadagiti criminal group nga agtaktakaw kadagiti alikamen manipud iti uneg ti eskwelaan ditoy Ilocos Region.
Inawat dagiti dua a chief of police manipud iti dua nga ili ti commendation certificate nga impaima ni Gov. Pacoy Ortega.
Maipalagip, dua a kameng iti nasao a grupo ti napapatay iti police operation idiay Bangar, La Union idi napalabas a bulan kalpasan a ginandat dagiti suspek a libasan ken tutupan dagiti otoridad.
