LA UNION – Madama a dukduktalen iti pulisya ti pakabigbigan ti bangkay ti lalaki a nasarakan iti igid ti karayan idiay Barangay Ambalayat, ili ti Tagudin, Ilocos Sur.
Naammuan ti Bombo Radyo manipud iti Tagudin Police Station, maipagarup a nasarakan dagiti residente sadiay ti nasao a bangkay.
Iti panangiladawan ti pulisya, agmaris iti brown ti buok ti lalaki, nakasuot ti black jogging pants ken awan pay daytoy iti pangngato a kawes.
Tumultulong metten iti imbestigasyon ti Scene of Crime Operatives (SOCO) tapno maammuan ti makagapu iti nakatayan ti nasao a lalaki.
