BR LA UNION – Nakaimasayag itan iti bangkay ni Pope Francis idiay St. Peter’s Basilica, ket agtalinaed ti tallo agingga iti aldaw ti tabon na inton Sabado, Abriul 26.
Naiyakar iti bangkay ti pontiff idiay St. Peter’s Basilica bayat ti prusisyon a naisayangkat idi kalman nga indaulwan ti College of Cardinals.
Ni Cardinal Kevin Farrell, Camerlengo iti Holy Roman Church, iti nangidaulo ti liturgical rite iti chapel ti Casa Santa Marta babaen iti kararag.
Iti bangkay ni Pope Francis ket nakaimasayag ita iti Altar of the Confession, maysa a sagrado a lugar iti sangwanan ti tanem ni St. Peter, the first pope.
Mailukat ti basilica para kadagiti ribu a faithful a kayatna ti mang-talgiap ti bangkay iti maudi a gundaway, manipud alas 11 ti bigat, local time agingga iti tengngat rabii para iti aldaw ti Miyerkoles.
Bayat nga inton Huwebes ken Biyernes, mailkat ti basilica para iti publiko manipud alas 7 a.m. agingga iti tengngat rabii.
Namnamaen nga atendaran dagiti lider ti naduma-duma a pagilian iti tabon ti Sto Papa.
Immunan a kinumpirma ni US President Donald Trump nga umatendar iti funeral rites bayat nga idi kalman ket kinumpirma met ti Malakanyang nga umatendar ni President Ferdinand Marcos Jr. kadwa na iti first lady .
