LA UNION – Awan pay laeng iti pakabigbigan na ti nasarakan a bangkay ti babae a tumtumpaw iti kabaybayan a sakop ti Barangay Darigayos, Luna, La Union.
Segun kenni PCI Roy Villanueva, officer in charge ti Luna Police Station, alas 8:40 ti bigat idi maawat da ti impormasyon, kasaruno ti koordinasyon da iti Philippine Coasta Guard.
Agarop alas 11:50 idi bigat kalman idi naipaigid da iti bangkay.
Iti biktima ket nailadawan nga agtawen ti 50-60, fair complexion, short hair, 5’2, nakasuot ti black maong short ken printed a blouse.
Agpar-parang iti imbestigasyon dagiti otoridad, a saan a residente iti nasao a lugar ti nasarakan a bangkay ket mapapati a naisadsad laeng daytoy.
Kabayatan na, iti panangsukimat ni Dr. Primitivo Zambrano iti bangkay ket 2 agingga 3 nga aldawen daytoy a natay.
Mainaig ti daytoy, naipaka-ammo metten ti nasao nga impormasyon kadagiti kabangibang nga ili para iti posible a pakabigbigan ti nasarakan a bangkay.
