LA UNION – Nasarakanen iti bangkay ti baro nga immuna a naipadamag a naiyanud iti napegges nga ayus ti danum idiay karayan ti Barangay Carcarabasa, ili ti San Gabriel, La Union.
Naammuan a nasaripatpatan dagiti residente idiay igid ti baybay ti Barangay Cabarsican, ili ti Bacnotan, La Union ti bagi ni Mark Jake Subido, 19.
Immuna iti daytoy, inyanud iti danum ti baro kabayatan nga agkalkalap daytoy iti nasao a karayan kabayatan ti kinapigsa iti panagtudtudo idi kalman.
