Nakaawiden idiay Israel iti bangkay ti kataengan a kautibo ti Hamas.
Maysa daytoy kadagiti dua a bangkay a naisubli idiay Israel idi Martes, Oktubre 21.
Binigbig ti Israel Defense Forces (IDF) dagiti bangkay kas isuda Arye Zalmanovich ken Tamir Adar.
Ni Zalmanovich, 85-anyos, ket inaramid a balud ken pinatay dagiti terorista iti balayna idiay Kibbutz Nir Oz idi Nobyembre 17, 2023. Bayat a ni Adar ket pimmusay iti edad a 38 bayat a makilablaban kadagiti terorista.
Isuda iti maika-14 ken 15 a bangkay dagiti kautibo a naisubli idiay Israel sipud ti panakaipatungpal ti ceasefire deal nga induluan ni US President Donald Trump.
Kabayatanna, manamnama a dumanon ti 28 iti pakabuklan a bilang dagiti bangkay a rumbeng kuma a maiyawid pay.
Segun ti Hamas, narigat a marekobre dagiti dadduma gapo iti nakaro a panakadadaek dagiti pasdek ken kinakurang ti alikamen.###
