LA UNION – Maysa a tumtumpaw a bangkay ti lalaki iti nasarakan dagiti otoridad iti kabaybayan a sakop ti Rosario, La Union idi Abril 17.
Iti pannakiuman ti Bombo Radyo La Union kenni Police Major Gerardo Macaraeg, agdama a chief of police ti Rosario Police Station, kinuna na a ti nasao a bangkay ket manipud Dagupan City, Pangasinan.
Binigbig na daytoy iti nagan a Rofel Quinto de Vera, residente ti Daet, Camarines Sur, ngem nagawid idi semana santa tapno bisitaen ken sorpresa-en iti ina daytoy nga agnanaed idiay siyudad ti Dagupan.
Naamwan a birthday ti biktima idi Biyernes Santo, ngem maipagarop a nagpakada iti inana nga agturong idiay Tondaligan agarop alas 6:00 ti sardam iti dayta met laeng nga aldaw.
Base iti inisyal nga imbestigasyon dagiti otoridad, iti nasao a bangkay ket mangrugin nga umangot, awan iti nakita a dunor iti bagi na, ngem adda narekober a cellphone iti bulsa na, nga isuti nagbalin a dalan iti panangi-pakaammo dagiti otoridad iti inana ti nasao a pasamak.
