LA UNION – Madama nga im-imbestigaran dagiti otoridad no adda ti napasamak a foul play iti pannakatay ti maysa a lalaki a nasarakan laengen ti bangkayna idiay Brgy. Casiaman, Bacnotan. La Union.
Immuna iti daytoy, nagkamang kadagiti otoridad ti maysa kadagiti residente iti lugar tapno ipakaammona ti maipapan iti nakadasay a lalaki iti asideg ti bubon.
Iti panagresponde dagiti pulis ket nasarakanda ti bangkay ni Shalmar Elijado, 39-anyos, residente iti nasao met laeng a lugar.
Kabayatanna, segun kadagiti kabagian daytoy, napukaw ni Elijado idi pay Mayo 4 ken saanen a nagsubli pay iti balayda agingga a nasarakan laengen ti bangkayna.
Naamuan a maysa nga epileptic ti biktima.
