LA UNION – Nabigbigen iti bangkay ti maysa a lalaki nga immuna a nadiskubre agarop alas 4:30 ti parbangon ti Domingo, Nobyembre uno, iti igid ti baybay idiay Brgy. Pagdalagan Sur, Bauang, La Union.
Mismo a pamilya na iti nangbigbig iti biktima a ni Joel Mendoza, 40 anyos, maysa a mangisursuro ti DMMMSU-MLUC ditoy syudad ti San Fernando, ken residente ti Brgy. Parian Este, Bauang, La Union.
Aglad-ladingit ita iti sibubukel a pamilya ti biktima ket mangnamnama da a madetermina dagiti otoridad iti responsable iti krimen iti kabiitan a panawen.
Immuna a nakita iti bagi ti maestro a nagpasar ti adu a bagsol a makagapo ti dagus a pannakatay na, babaen iti maysa a mangngalap.
Agtultuloy iti panangtakwat dagiti otoridad iti motibo ti napasamak a krimen.
