LA UNION – Maysa a pagadalan ken maysa a bangko ditoy siyudad ti San Fernando iti kabarwanan a naipaayan ti safety seal award.
Daytoy ket pammaneknek a dagiti nasao nga establisimento ket “compliant” wenno nasurot ken ipat-patungpal da dagiti allagaden nga inyetnag ti gobyerno seknan iti basic safety health protocols tapno malabanan iti pandemya ti COVID-19.
Iti safety seal certification ket panniguro a natalged dagiti empleyado ken customers nga agturong iti bangko kasta metten dagiti estudyante ken mangisursuro nga agturong iti pagadalan para iti face-to-face classes.
Manaig ti daytoy, agtultuloy iti panagawat ti aplikasyon iti Local Economic and Business Development Office (LEBDO) para kadagiti business establishments ken stores, nga agtarigagay a makaala iti nasao a sertipikasyon.
