LA UNION – Naidatagan ti agtutuon a kaso iti maysa a Bangladesh citizen gaputi maipagarop a panangdanog ken pinagsasawan na pay iti dua a traffic enforcers, a nangtiliw kenkuana gaputi panaglabsing iti linteg trapiko.
Nabigbig daytoy iti nagan a Mohammad Salad Mamud, 40, addaan asawa, negosyante, ken temporaryo nga agnanaed iti Barangay Quinavite, Bauang, La Union.
Naamwan ti Bombo Radyo La Union manipud Bauang Police Station, a maipagarop a dinanog ken pinagsasawan ti suspek dagititraffic enforcers nga isuda Arnel Calica, 30, ken Stephen Federico, 41, residente ti Barangay Central East ken Central West, Bauang, La Union.
Maipagarop pay a pinisang ti suspek iti naiyisyu kenkuana a citation ticket, gaputi panaglabsing nga adda pakainaigan na iti illegal parking, no driver’s license, no plate no travel, arrogant driver ken obstruction.
Segun kadagiti pulis, iti gangannaet ket nakaswan ti direct assault ken oral defamation of person in authority.
