LA UNION – Naragsak nga ibingay ni aktres Bangs Garcia nga isu ket maysa itan nga British citizen.
Iti social media account-na, nangipost ti aktres iti letrato a nakaiggem iti papel a mangpaneknek nga addaan iti “pledge allegiance” iti United Kingdom.
Innayonna a makatawen laeng a nataktak ti panagbalin a citizen ngem ita ket pinasingkedanen ni King Charles III ken ti United Kingdom.
Idi 2017, inkallaysa ti aktres ti Filipino-British nga asawana a ni Lloyd Birchmore iti civil ceremony idiay England.
Kalpasan dayta simmaruno ti pribado a kasar iti simbaan ken beach wedding idiay Boracay.
Sipud idin, nagnaedda idiay UK a kaduada ti dua nga annakda a da Amelia ken Isabella.
