Pagpalpalawagen ti Bangko Sentral ng Pilipinas (BSP) dagiti sumagmamano a bangko ken e-wallet operators a saan pay a nangipababa ti electronic fund transfer fees, iti laksid ti pannakapatungpal ti BSP Circular 1238.
Iti sidong ti circular nga epektibo idi Hulyo 4, rumbeng a naikalintegan, nakabasar iti aktual a gastos, ken nalawag a maisapubliko iti electronic fund transfer fees, bayat nga agtaltalinaed a libre iti small-value merchant payments babaen ti QRPh.
Karaman kadagiti nangibaba wenno nag-waive ti transfer fees iti Bank of the Philippine Islands, Land Bank of the Philippines, Union Bank of the Philippines, Rizal Commercial Banking Corporation, ken Philippine Bank of Communications.
