LA UNION – Maysa a dackel nga oportunidad para iti career ken tsansa a makapagserbi iti tao ti insagut ti Apo Dios a makapasa iti 2016 Bar Examination.
Daytoy iti inwaragawag iti Bombo Radyo La Union ni Rollidel Concepcion, 27, agdama a barangay chairman ti Barangay Calungbuyan, Balaoan, La Union.
Segun kenni Concepcion, idi naiturpos na iti bar examinations ket in-assess na iti bagi na a 30% laeng iti nasungbatan na a korek.
Ngem aminado a nagturong iti examination venue a napnuan ti confidence iti bagi ken napinget a panagkararag.
Kinuna ni Concepcion a sagut a talaga ti Diyos kenkuana a pumasa iti eksaminasyon tapno maituloy iti arapa-ap na ken makapagserbi iti tao a nasursurok pay ngem iti panagbalin na a kapitan ti barangay.
Balakad ni Concepcion a ti sumrek ken agadal iti law school ket masapol nga adda arapa-ap nga agbalin nga abogado, agpursige, work ken study hard, tapno agballigi.
