LA UNION – Sumangsango iti kaso a panaglabsing ti R.A. 10591 wenno COMPREHENSIVE LAW ON FIREARMS AND AMMUNITION, iti maysa a barangay official kalpasan a makumpiskaran iti paltog ken bala iti mismo a pagtaengan na idiay Barangay Castro, Sudipen, La Union.
Iti suspek ket nabigbig a ni Barangay Kagawad Giovanni Sarmiento, 36, addaan ti asawa, residente ti nasao a lugar.
Babaen iti bileg ti search warrant nga impaulog ni Judge Ruben Corpuz ti MTC idiay ili ti Sudipe, sinukimat dagiti otoridad iti pagtaengan ni Sarmiento ket nakarekobre da iti maysa a homemade cal. 45 pistol, maysa nga empty magazine ken bala para iti paltog nga 9mm.
Dagus a naipasidong iti custodiya dagiti otoridad iti nadakamat a barangay kagawad para iti umno a disposisyon.
