LA UNION – Isagsaganan ti pulisya ti kaso kontra iti kagawad ti Barangay Rissing, ili ti Bangar, La Union gapu iti maipagarup a panagpaputok daytoy ti paltog.
Nabigbig ti suspek a ni Christhoper Corpuz, 40.
Kinuna iti Bombo Radyo ni Capt. Gregorio Oreiro, hepe ti Bangar Police Station, sakbay a natiliw ti suspek ket maipagarup a napanna sinita ti kaarruba nga agbi-videoke iti dis-oras ti rabii.
Maipagarup a nainsulto ti kagawad isu a nagawid daytoy kasaruno iti panangala ti maysa a paltog.
Naiparna met a madama nga agpatpatrolya dagiti otoridad iti a nagpaputok ti paltog iti nasao a suspek a saan a makaiparang ti maiyanatop a dokumento para ti nasao nga igam.
Kaso nga illegal possession of firearm ti sangsanguen a reklamo ti nasao a barangay kagawad idiay piskalya.
