LA UNION – Binilin ti City Interior and Local Government (CILG) dagiti opisyal ti barangay a mangisayangkat iti inventory kadagiti obstructions kadagiti amin a barangay roads iti syudad ti San Fernando, La Union.
Sigun keni CILG Officer Lily Ann Colisao, karaman kadagiti ilista ken bilangen dagiti barangay officials nga obstruction kadagiti kalsada iti nakaparada a lugan, signages, poste iti kuryente wenno telepono, masetera iti mulmula ken dadduma banag wenno istraktura a simmakop iti barangay road.
Daytoy ket paset pay laeng kinuna iti agtultuloy a panangisayangkat ti clearing operations kadagiti kalsada a kukua iti gobyerno.
Inton Nov. 15 ti agdama a tawen iti deadline ti panangisumite iti inventory sheet dagiti barangay officials idiay opisina ti CILG.
