Patien ti House trial spokesperson ken impeachment adviser a ni Robert Ace Barbers a dagiti waragawag maipapan iti “Operation Romanov” ken sigud nga Italian dictator a ni Benito Mussolini ket mabalin a mangipasimudaag ti pangta kontra kenni Presidente Ferdinand Marcos Jr. ken ti First Family.
Segun kenni Barbers, dagiti nagbalin nga statements ni Davao City Mayor Sebastian Duterte ket mabalin a mangipasimudaag iti naranggas a gasat ti pamilia Romanov ken ni Mussolini no saan kano a baliwan ti Presidente iti direksion ti administrasionna.
Kenunana pay nga umanamong isuna iti interpretasion ni sigud nga NBI Director Jaime Santiago a mabalin a maibilang a pangta kontra iti First Family dagiti nasao a waragawag.
Dinakamat pay ni Barbers iti testimonia ni NBI Regional Director Jeremy Lotoc, a nangibaga nga adda ti umdas a basaran iti imbestigasion ti NBI tapno irekomenda iti pannakaipila ti tallo a kaso ti grave threats ken maysa a kaso ti inciting to sedition kontra kenni Vice President Sara Duterte.
Segun ti House prosecution, napateg a maidatag dagiti ebidensia tapno maammuan no adda epekto dagiti statements ken aramid ti Bise Presidente iti pannakaikarina nga agtalinaed iti puesto.###
