LA UNION – Natay kabayatan a maag-agasa idiay ospital ti maysa a barito a nabartek a nagmaneho ti motorsiklo kalpasan a maaksidente daytoy idiay Barangay Lioac, ili ti Naguilian, La Union itattay alas-2:30 ti parbangon.
Nabigbig ti biktima a ni John Loyd Baronia, 17-anyos, residente ti nasao a lugar.
Sigun kenni C/Ins. Cirilo Butigan, hepe ti Naguilian Police Station, maipagarup a naggapu iti birtday party ken nainum iti arak ti biktima idi a mapasamak ti aksidente.
Maipagarup a napartak iti panagpataray ti barito iri motorsiklo isu a dimmungpar daytoy iti dakkel a paso ti mula nga adda iti igid ti kalsada.
Maipagarup a saan pay a nagsuot ti helmet ti barito kabayatan nga agmanmaneho daytoy ti motorsiklo.
