Nakaawat ti Cash Gift manipud iti Lokal a Gobierno ti Bauang ken ti panangidaulo ni Mayor Ma. Clarissa “Manang Bong” T. Lee, iti baro a Centenarian idiay Barangay Cabalayangan.
Kadua ti Mayor dagiti kameng ti Office for Senior Citizens Affairs (OSCA) tapno personal nga isagut ti ₱30,000 cash gift kas simbolo ti suporta kadagiti senior citizens.
Nabigbig ti Centenarian a ni Lola Porincia Marzo Flores, ken rinambakan ti maika-100 a panagkasangayna idi kalman, Abril 7.
Nakaawat met isuna ti baro a wheelchair nga indonar ti IQC Trading Bauang Branch.
Kabayatanna, ipakita ti programa iti pudno a panagraem ken panagayat kadagiti senior citizens, a nagbalin a paset ken pundasion iti panagdur-as ti komunidad.###
