BAUANG, LA UNION – Pormalen a naluktan iti publiko idi Hulio 7, 2026 iti rehabilitated Farm-to-Market Road idiay Brgy. Pugo, Bauang kalpasan ti dandani tallo a bulan a rehabilitasion nga inyusuat ti Provincial Engineering Office.
Indauluan ni Governor Mario Eduardo C. Ortega iti inauguration ceremony kadua da Bauang Municipal Administrator Ronald O. Lee, nangibagi kenni Mayor Ma. Clarissa “Bong” Lee, Brgy. Pugo Punong Barangay Rolando B. Baniqued, ken dadduma pay nga opisial ti barangay.
Pakabuklan nga 1,815 square meters ti kalsada iti naipasidong iti rehabilitasion ken nakongkreto. Addaan met daytoy ti 20 street lights tapno mapasayaat iti kinatalged ken mapalaka iti taray ti transportasion iti lugar.
Mangnamnama a makatulong iti proyekto iti naparpartak a panangitulod dagiti produkto ti agrikultura iti merkado, maksayan iti pannakasinga iti transportasion dagiti apit, ken ad-adda a mapapigsa iti pagbiagan dagiti mannalon iti probinsia.###
