Ireprepaso itan ti Department of Public Works and Highways (DPWH) ken Japan International Cooperation Agency ti panangbukel ti updated Flood Control Master Plans ditoy Luzon.
Partikular ditoy ket ti proyekto a Pasig-Marikina ken Cagayan River Basins a dua a kangrunaan a pagayusan ti danum ditoy Luzon ken napateg para ti ekonomiya ti intero a Metro Manila ken uray ti Cagayan Valley.
Indauloan ni DPWH Senior Undersecretary Emil Sadain ken JICA Senior Representative Takanori Morishima iti presentasyon dagiti draft master plan idi Agosto 5 a panggep a makissayan dagiti serye ti panaglayus kadagiti bulnerable a luglugar.
Karaman kadagiti plano para ti Pasig-Marikina River ket ti panangipasdek ti dua a flow-through dams, uppat a retarding basins idiay San Mateo, Rodriguez, ken Quezon City, kasta met iti river dredging babaen iti Phase 2 ken 3 ti Pasig-Marikina River Channel Improvement Project. Adda met iti nakasina a plano para ti San Juan River mainaig iti dredging ken underground spillway manipud Quezon City agingga ciudad ti Maynila.
Manamanama a maileppas ti pre-feasibility studies para ti umuna a paset ti tawen 2026.
