LA UNION – Maysa a maipagarop a drug pusher iti inaresto dagiti otoridad iti naisayangkat a buy bust operation idiay Barangay Taboc, San Juan, La Union.
Nabigbig ti suspek iti nagan a Michael Pascual, 30, baro, residente ti Barangay Talogtog, San Juan.
Iti insayangkat nga operasyon iti nagtipon a puwersa ti San Juan Police Station ken PDEA RO1, kinumpiskar da manipud iti suspek iti 4 a plasic sachet iti maipagarop a dried marijuana, maysa a pidaso ti P500 bill a nausar kas buy bust money.
Mapatta-patta nga agdagsen ti 4 gramo ken addaan ti DDB value a P500.00 dagiti nakumpiskar a droga.
Maisag-saganan ti maipila a kaso a panaglabsing iti Section 5 & 11 iti R.A. 9165 wenno Comprehensive Dangerous Drugs Act maikontra iti suspek.
