LA UNION – Sumangsango ita ti kaso a panaglabsing iti Comprehensive on Dangerous Drugs Act ti maysa a baro a maipagarup a naglako iti marijuana idiay Barangay San Benito Sur, ili ti Aringay, La Union.
Nabigbig ti suspek a ni Darell Santos, 26, agnanaed ti nasao a lugar.
Naaresto ti suspek babaen iti naisayangakat a buy bust operation ti pulisya.
Naammuan ti Bombo Radyo manipud iti Aringay Police, dua a sachet a naglaon iti maatap a marijuana ken P200 a buy bust money ti naala manipud iti ikot ti suspek.
Agtaltalinaed iti pagbaludan ti suspek kabayatan a maur-uray ti iruar a resolusyon ti pisklaya maipapan iti pagbanagan ti sangsanguenna a reklamo.
