LA UNION – Dead on arrival idiay ospital ti maysa a baro a nagmaneho iti motorsiklo kalpasan a maaksidente idiay Barangay Bulbulala, ili ti Bacnotan, La Union.
Nabigbig ti biktima a ni Romel Tangalin, 20, residente iti Barangay Sta. Cruz ti nasao nga ili.
Naammuan ti Bombo Radyo manipud ti Bacnotan Police Station, dimmungpar ti nadakamat a lugan iti kutit ti trailer truck a nakaparada iti igid ti kalsada.
Dagun a naitaray idiay Bacnotan District Hospital ti biktima ngem natayen daytoy gapu iti nakaro a sugat a nilak-amna manipud ti aksidente.
