LA UNION – Sumangsango itan iti kaso a panaglabsing ti Comprehensive Dangerous Drugs Act ti maysa a mabaro a natiliwan a
maipagarup nga aglaklako ti marijuana idiay Barangay Amapalaya, ili ti Tubao, La Union.
Nabigbig ti suspek a ni Steve Cinco, 22, residente ti Barangay San Eugenio, ili ti Aringay, La Union.
Naammuan ti Bombo Radyo manipud iti Tubao Police, uppat a sachet a naglaon iti maatap a marijuana ti nakompiskar manipud iti ikot ti
suspek karaman ti naaramat a buy-bust money.
Agtultuloy met iti panangduktal ti pulisya dagiti posible a kakursabo ti suspek iti iligal nga aramid.
