LA UNION – Nakaaramid manen ti record iti -pakasaritaan ti hotdog eating contest ni Miki Sudo.
Iti dental hygiene student manipud Florida ket naitandudo a kampeon iti tinawen a Nathans’ Fourth of July Hotdog Eating Contest idiay Coney Island.
Nakaibos daytoy ti 51 hot dogs iti uneg laeng ti 10 a minuto.
Naartapanna iti sigud a record nga isuna met laeng ti nakaimaldit, idi nakaibus ti 48 ken kagudwa nga hotdog idi napalabas a tawen.
Maikadwa kenkuana, ni Mayori Ebihara ti Japan a nakaibos ti 37 hot dogs iti uneg met laeng ti 10 a minute, ken isuna met laeng iti second runner up idi napalabas a tawen.
Kabayatanna, adda ita ti baro a kampeon iti men’s division babaen kenni Patrick Bertoletti a nakaibos ti 58 hot dogs.
Naartapan na iti sigud a record na met laeng a 55 hot dogs.
Nagbalin a nairut ti kompetisyon iti baetan da kenni James Webb ti Australia ken Geoff Esper tapno mapangabakan ti $10,000 a cash prize.
Maikadwa ni Esper a naka-landok ti 53 hot dogs.
Saan met a simmalip iti 16-time champion a ni Joey Chestnut manipud El Paso, Texas agsipudta naikkat daytoy gapu iti panag-pirma na ti kontrata iti sabali a produkto.
