LA UNION – Kaadwan a pasahero iti pampasahero a jeep ket saan da a maapreciar iti baro a designated loading and unloading area idiay Barangay Tanqui, San Fernando City, La Union.
Malaksid ngamin nga adayu ken nabannog, doble gastos pay para kadagiti commuters, nu aglugan dagitoy ti traysikel manipud terminal nga agturong iti merkado publiko ken iti naduma-duma a paset iti sentro ti syudad.
Iti Barangay Tanqui ti nadesignaran ita a loading and unloading area dagiti amin a passenger jeep nga aggapo iti umuna ken segundo distrito ti La Union agraman dagiti dyip nga aggapo iti upland barangays ditoy syudad.
Naamwan nga agpatingga iti alas 6:00 ti sardam iti operasyon ti terminal.
Mairikep ti terminal tunggal Domingo para iti disinfection.
Nupay kasta, dagiti pampasahero a dyip nga addaan ti ruta a San Gabriel to San Fernando ket maipagarop a tuloy ti pasada iti aldaw ti Domingo.
