Epektibon ita nga aldaw ti Lunes, Hunyo 30, ti opisyal a panag-akem dagiti nabotosan idi 2025 midterm elections.
Rugrugi daitoyen ti tallo a tawen a panagserbi da, malaksid kadagiti 12 a senador ng agtugaw ti innem a tawen agingga tawen 2028.
Maibasar ti datos manipud University of the Philippines-National College of Public Administration and Governance (UP-NCPAG), kaadwan kadagiti nabotosan lokal a gobierno ket siguden a nakatugaw dagiti dadduma wenno nagsabali laeng ti posisyon da iti kapada nga ili wenno probinsya.
Adda pakabuklan a 18, 225 nga opisyales iti mangrugin ti mandato da ita nga aldaw, manipud kadagiti senador, kongresista, gobernador, bise gobernador, ken dadduma pay. Manipud iti nasao a bilang, 12 a baro a senador ti nabotosan manipud kadagiti 24 a tugaw ti Senado.
Agingga 317 met dagiti baro a miembro ti House of Representatives a buklen dagiti 254 district representative ken 63 party-list representatives.
