LA UNION – Naidatagen dagiti piskalya ti kaso kontra iti maysa a baro a naaresto gapu iti maipagarup a panaglako iti iligal a droga idiay Barangay Nagsaraboan, ili ti Bacnotan, La Union.
Nabigbig ti suspek a ni Jhay-R Almoite, 20, residente iti Barangay Cabaroan ti nasao nga ili.
Naammuan ti Bombo Radyo manipud ti Bacnotan Police Station, nakompiskar manipud iti ikot ti suspek iti maatap a marijuana a maipagarup a nabalkot iti cellophane, P1,000 bill a buy bust money ken ti cellphone daytoy.
Kabayatanna, agtultuloy met iti imbestigasyon ti pulisya iti suspek tapno maammuan ti posible a kakutsabo daytoy.
