LA UNION – Nakabaluden ti 33-anyos a baro a natiliwan nga agik-ikot iti droga ken igam idiay Barangay Cantoria 2, ili ti Luna, La Union.
Nabigbig ti suspek a ni Rogino Jose Estela alyas Macko, residente ti nasao a lugar.
Iti report a nakalap ti Bombo Radyo, rinaout iti tauhan ti Luna Police Station iti balay a pagnanaedad ti suspek tapno ipatungpal ti search warrant nga inyatnag ti pangukuman.
Nadiskobre dagiti pulis iti dua a sachet a naglaon iti maatap a marijuana, cal .38 a palto ken tallo a bala daytoy.
Sumangsango ita iti kaso a panaglabsing ti Comprehensive on Dangerous Drugs Act ken illegal possession of firearm ti suspek. (Abs Flores)
