LA UNION – Naidatagen idiay piskalya ti kaso a panaglabsing iti Comprehensive on Dangerous Drugs Act kontra ti maysa a baro a maipagarup nga aglaklako iti droga idiay Barangay San Francisco, syudad ti San Fernando, La Union.
Nabigbig ti suspek a ni Cesario Mekitpekit, 32, tubo iti syudad ti Calbayog, Eastern Samar, ken agnanaed ti nasao a barangay.
Naammuan ti Bombo Radyo manipud ti San Fernando City Police, dua a sachet a naglaon iti maatap a shabu ken P500 a buy bust money ti narekobre manipud iti suspek.
Iti agdama, dukduktalen iti pulisya ti supplier a pangal-alaan iti suspek ti droga nga ilaklako daytoy.
