LA UNION – Sumangsango ita iti kaso a panaglabsing ti Comprehensive Dangerous Drugs Act ti maysa a baro a maipagarup nga aglaklako iti droga idiay Barangay Balsaan, ili ti Sto. Tomas, La Union.
Nabigbig ti suspek a ni Jimmy Pimentel ,20, residente iti Barangay Malabago ti nasao nga ili.
Nakompiskar manipud iti ikot ti suspek iti dua a sachet a naglaon iti maatap a shabu, maysa a sachet a naglaon ti maatap a marijuana, ken P1,000 bill a nagpaay kas buy bust money.
Adda pay laeng iti kostudiya ti pulisya ti suspek kabayatan a maur-uray iti pagbanagan iti kaso daytoy idiay piskalya.
