LA UNION – Isagsaganan ti pulisya iti kaso kontra ti maysa a baro a maipagarup nga agik-ikot iti marijuana idiay Barangay Luzong Sur, ili ti Bangar, La Union.
Nabigbig ti suspek a ni Jessie Carpizo, 31, residente iti Barangay Aliaga, ili ti Malasiqui, Pangasinan.
Base iti impormasyon a nakalap ti Bombo Radyo manipud ti Bangar Police Station, maipagarup a mapagduduan iti tignay ti nasao a suspek idiay paset ti Luzong Sur Elementary School isu a sinitarda daytoy agarup alas-3:00 ti parbangon.
Nakompiskar manipud iti ikot ti baro iti maysa a sachet a naglaon iti maatap a marijuana.
Maisagsagana metten ti kaso kontra ti nasao a suspek gapu iti panaglabsing ti Comprehensive on Dangerous Drugs Act.
