LA UNION – Inarestar dagiti otoridad iti maysa a wanted person a sumangsango iti kaso a 4 counts of rape ken panaglabsing iti R.A. 7610 partikular iti Special Protection of Children Against Child Abuse.
Babaen iti bileg ti warrant of arrest, napetsaan ti Mayo 29, 2017 nga impaulog ti Presiding Judge manipud RTC Br 23 idiay Bauang, La Union inaresto dagiti otoridad iti suspek, managan Winston Lomboy, 22, residente ti Barangay Santiago, Bauang, La Union.
Iti suspek ket adda itan a nakabalud gaputa iti kaso daytoy a violation iti R.A. 8353 ket saan a mapiyansaan bayat a ti kaso na iti R.A. 7610 ket nailatangan ti P20,000.00 a bailbond.
