LA UNION – Burburtia pay laeng kadagiti residente ti kabambantayan a paset ti Brgy. Calabugao ditoy San Fernando City, La Union no asino ti responsable iti pammapatay iti maysa a menor de edad nga immunan a natiliw iti buy bust operation.
Nabigbig ti biktima a ni Johnver Valdez, 17-anyos, residente ti Sibuan-Otong ken high value target level 3 drug personality a siguden a kinemmeg dagiti otoridad kalpasan a nakumpiskaran iti maysa a sachet ti shabu ken buy bust money.
Maibasar iti inisial nga impormasion ti pulisia, naamuan a naklaat laengen dagiti residente iti nasao a barangay idi nasarakan ti bangkay ni Valdez a nabalkot iti masking tape ti bibigna.
Dagus met a naipasidong iti medical examination ti nasao a bangkay.
