LA UNION – Natayen idi a masarakan idiay karayan ti baro nga addaan ti sakit nga epilepsy idiay Barangay Pugo, ili ti Bauang, La Union.
Nabigbig ti biktima a ni Orlando Balatero, 28, residente ti Barangay Central West ti nasao nga ili.
Naammuan ti Bombo Radyo manipud ti Bauang Police Station, naudi a nakita ti baro nga agpudputed iti sanga ti kayo idiay igid ti karayan idi kalman.
Nasarakan laengen ti pangamaenna ti baro a tumtumpaw idiay karayan ken awananen ti anges.
Sigun met kadagiti kakabagyan ti baro, posible nga inatake ti epilepsy ti baro kabayatan nga adda isuna iti danum isu a nalmes ken natay daytoy.
