Saan a bumaba ti 37 a tattao iti nasugatan kalpasan ti baro nga airstrike ti Israel iti southern Lebanon idi Mayo 15, kabayatan nga agtultuloy ti maikadua nga aldaw ti ceasefire a indauluan ti Washington, D.C.
Segun ti Israeli military, tinargetda dagiti imprastruktura ti Hezbollah idiay Tyre ken kadagiti kabangibang a lugar.
Kabayatanna, kinondena ti United Nations humanitarian coordinator iti Lebanon gapu ti agtultuloy a kinaranggas ken kinunana a masapul a mausar ti diplomasia tapno malappedan ti panagkaro ti krisis.
Maibasar iti Lebanese health ministry, karaman kadagiti nadangran dagiti babbai, ubbing, ken sumagmamano nga hospital workers kalpasan a natamaan dagiti pasdek nga asideg iti maysa nga ospital ken NGO center.
Adu met dagiti immakar kalpasan a nadadael dagiti pagtaengan dagiti displaced families.
Uray adda ti agdama a ceasefire manipud idi Abril 17, agtultuloy latta iti gubat iti nagbaetan ti Israel ken Hezbollah nga agpada nga agpinpinnabasol iti katulagan.
Gapu ti daytoy ginasut a tattao iti natay manipud idi nangrugi dagiti gubat.
Kabayatanna, agtultuloy ti peace talks iti nagbaetan dagiti dua a dasig iti US State Department ken mangnamnama iti Lebanon a mapalawa ti ceasefire ken agpatingga iti maar-aramid a panagbomba kadakuada.
No awan ti kasunduan, posible nga agpatingga ti ceasefire inton Dominggo.###
