BR LA UNION – Pinaglibakan ni House Deputy Majority Leader Zia Alonto Adiong dagiti ispekulasyon a kudeta idiay Kamara.
Segun kenni Adiong, awan ti pangta iti panangidaulo ni House Speaker Faustino “Bojie” Dy III.
Impaganetget na, a kayat laeng dagiti kritiko a mangparnuay ti dibisyon iti biang dagiti mammanday linteg.
Innayon pay ni Adiong, a naurnos ti sistema iti panangimaton ni Dy III idiay Kamara.
Ni Dy ket nabotosan nga Speaker idi Setyembre 2025 kalpasan ti panaglosolos ni Ferdinand Martin Romualdez.
Maysa a kangrunaan nga agenda na ket panagusar ti blockchain ken paperless system para iti transparency iti budget.
Tarigagay ni Dy nga isubli ti talek ti publiko idiay Kongreso babaen ti reporma ken modernisasyon.
