LA UNION – Nangrugi metten a lumukay dagiti allagaden iti maipatpatungpal a lockdown idiay Thailand a ginubway ti COVID 19 pandemic.
Iti pannakiuman ti Bombo Radyo La Union kenni Teacher Kenneth Ledda Pagsolingan a tubo ti Balaoan, La Union, kinuna na a nagsublin iti public transportation ngem limitado pay laeng dagiti aglugan ken masurot iti 1.5 meters social distancing.
Nagsubli payen iti operasyon dagiti tallo nga airlines idiay Thailand ngem domestic flgihts pay laeng.
Walo met a venues wenno dagiti dadackel a restaurants ken food shops iti aglukaten, ngem nasken nga agtultuloy a masurot dagiti allagaden iti pananglaban ti covid 19.
Kabayatanna, naragsak nga impadamag ni Teacher Kenneth nga ag-resume ti klase dagiti estudyante para iti baro nga schooil year ti nasao a pagilian inton Hulyo uno.
