Nauram iti maysa a barracks a naaramid ti light materials iti uneg ti compound ti House of Representatives idiay Barangay Batasan Hills, Quezon City, itay bigat, Agosto 2.
Segun kenni Quezon City District Fire Marshal Fire Senior Superintendent Roberto Samillano Jr., naisina iti nauram nga istraktura iti main building ti Kamara, isu a saan a naapektaran iti kangrunaan a pasdek.
Dimmanon iti umuna nga alarma iti uram agarup alas-9:40 ti bigat ngem napaspas a nasebseban daytoy ti Bureau of Fire Protection kalpasan ti sumagmamano a minuto.
Awan met ti nailista a nadangran iti insidente, segun kadagiti otoridad.
Agtultuloy iti imbestigasion ti BFP tapno maammuan iti nagtaudan ken rason ti uram.###
