Maisayangkat inton bigat ti Battle of La Union Festivals: Street Dancing Competitions a pakisalipan dagiti nadumaduma nga ili kas panagrambak ti 176 Founding Anniversary ti probinsia.
Maipasirra dagiti dadduma a paset ti kalsada tapno agbalin a natalged dagiti makipaset ken ti publiko.
Inton bigat ti malem, manipud ala-una aginggana alas-sais ket maipasirra ti McArthur National Highway, F. Ortega Highway, People’s Park – Fountain Area, City Plaza Auditorium, kasta met idiay Gomez, Gov. Lucero, Tavera, ken Zamora.
Saklawen na ti City of San Fernando Plaza Southbound aginggana iti TESDA La Union ang Regional Office.
Iti oras nga alas-sais aginggana alas-otso, maipasirra iti paset ti Iglesia ni Cristo idiay Brgy. Sevilla aginggana idiay Shell Station, Brgy. Sevilla, City of San Fernando.
Agtultuloy ti palagip dagiti autoridad a suruten amin a safety tips tapno agtalinaed a naurnos ti trapiko ken naragsak iti panagrambak ti kompetisyon.
